Avropa Birliyi hökumətləri Rusiya Mərkəzi Bankının Avropadakı aktivlərinin uzunmüddətli dondurulması təşəbbüsünü irəli sürüblər. Bu da yarımillik səsvermələrdən yayınmaq və vəsaitlərin Ukraynaya kömək üçün istifadəsinə yol açıb.
Medialive xəbər verir ki, bu barədə Reuters agentliyi Danimarka Sədrliyinə istinadən məlumat yayıb.
Aİ Daimi Nümayəndələr Komitəsi 122-ci maddə təklifinin yenidən işlənmiş versiyası ilə bağlı razılığa gəlib və Şuranın rəsmi qərarı üçün yazılı prosedurun başlanmasını təsdiqləyib. 210 milyard avronun qeyri-müəyyən müddətə dondurulması və sonradan Ukraynaya köçürülməsi ilə bağlı yekun rəsmi qərarın Aİ Şurası tərəfindən cümə günü rəsmiləşdiriləcəyi gözlənilir.
Rusiya Prezidentinin mətbuat katibi Dmitri Peskovun sözlərinə görə, Rusiya rəsmiləri ehtiyatların müsadirəsini oğurluq adlandırıb və dost olmayan ölkələri, şirkətləri və fərdləri cavab tədbirləri ilə hədələyib.
İlin əvvəlində Rusiya hökuməti digər ölkələrin oxşar hərəkətlərinə cavab olaraq Rusiyadakı xarici aktivlərin müsadirə edilməsi ilə bağlı qanun layihəsini təsdiqləyib. Bundan əlavə, Delcredere şirkətinin maliyyə hüququ və kapital bazarları təcrübəsi şöbəsinin müdiri Yevgeni Konovalov qeyd edir ki, Rusiya Prezidentinin 23 may 2024-cü il tarixli 442 nömrəli Fərmanı artıq qüvvədədir və ABŞ aktivlərinin və şəxslərinin şəxsi əmlakının müsadirə edilməsinə imkan verir.
Qeyd edək ki, Kreml Qərb aktivlərinin sürətləndirilmiş milliləşdirilməsi üçün zəmin hazırlayır. Sentyabrda Rusiya Prezidenti Vladimir Putin fərmanı imzalayaraq dövlət mülkiyyətinə keçirilmiş aktivlərin sürətləndirilmiş satış mexanizmini tətbiq edib.
