Bakının Xəzər rayonunda ata qızına xəsarət yetirib.
Medialive.az Demokrat.az-a istinadən xəbər verir ki, Ağdam rayon sakini, 1970-ci il təvəllüdlü Vəli doğma qızı Gülnara (adlar şərtidir – red.) ilə mübahisə edib.
Bu zaman Gülnar atası ilə kobud danışması səbəbindən aralarında yaranmış mübahisə zamanı qəsdən şillə bir dəfə onun üz, bir dəfə isə mətbəxdən götürdüyü kəsici alətlə ayaq nahiyələrindən vurub.
Vəlinin barəsində Cinayət Məcəlləsinin 128-ci (qəsdən sağlamlığa zərər vurma) maddəsi ilə ittiham elan edilib.
Məhkəmədə məlum olub ki, təqsirləndirilən şəxs zərərçəkmişlə barışıq əldə edib. Bu səbəbdən də zərərçəkmiş ona qarşı şikayətini geri götürüb.
Məhkəmənin hökmü ilə Cinayət Məcəlləsinin 73.2-ci maddəsinə əsasən təqsirləndirilən şəxs cinayət məsuliyyətindən azad edilib. Onun barəsində olan cinayət təqibinə xitam verilib.
