Onlayn internet platforması Reddit dekabrın 10-da Avstraliya hökumətinin 16 yaşdan kiçik şəxslərin sosial mediadan istifadəsinə qoyduğu qadağaya etiraz edəcək.
Medialive xəbər verir ki, bu barədə Sky News məlumat yayıb.
Məlumata görə, yeni qanun təkcə yeniyetmələri deyil, həm də yetkin istifadəçiləri müdaxiləedici və potensial olaraq təhlükəli yoxlama proseslərindən keçməyə məcbur edir və sərbəst ünsiyyəti boğur.
“Bundan əlavə, qadağa uşaqların və yeniyetmələrin fikirlərini birbaşa ifadə etməsinin qarşısını alır və Avstraliyada siyasi ünsiyyətə maneələr yaradır”, – deyə şirkət bildirib.
Qeyd edək ki, dekabrın 10-dan etibarən Avstraliyada 16 yaşdan kiçik şəxslərin sosial mediaya çıxışını qadağan edən qanun qüvvədədir. Qanuna əsasən, Avstraliyada fəaliyyət göstərən sosial media platformaları uşaqların və yeniyetmələrin hesablarını deaktiv etməlidirlər. Qadağa Facebook, Instagram, Kick, Reddit, Snapchat, Threads, TikTok, Twitch, X və YouTube-a şamil edilib.
