İşsizliyə görə müavinəti kimlər və necə ala bilər?
Medialive.az xəbər verir ki, Azərbaycanda işsiz vətəndaşların sosial müdafiəsinin gücləndirilməsi məqsədilə işsizliyə görə müavinət və sığorta ödənişləri tətbiq olunur.
İşini itirən və müəyyən şərtlərə cavab verən şəxslər dövlət tərəfindən maliyyə dəstəyi ala bilirlər. Bəs işsizliyə görə müavinəti kimlər ala bilər, bunun üçün hansı tələblər mövcuddur və müraciət prosesi necə həyata keçirilir?
Mövzu ilə bağlı Vətəndaşların Əmək Hüquqlarının Müdafiəsi Liqasının sədri Sahib Məmmədov Oxu24.com-a bildirib ki, işsizlikdən sığorta haqqında qanun, məşğulluq haqqında qanun, Əmək Məclləsinə uyğun olaraq işsizliklə bağlı qanun mövcuddur:
“Müavinəti kimlər ala bilər? Məsələn, dövlət orqanı yaxud hüquqi şəxs ləğv edildikdə, Əmək Məclləsinin 70-ci maddəsinin “a” bəndinə əsasən, bir də Dövlət qulluğu haqqında qanunun müvafiq maddəsinə əsasən ixtisar olunan şəxslər.
Əlavə olaraq, dövlət orqanlarında, bir də hüquqi şəxslərdə ştatlar ixtisar olunan hallarda.
Sonra belə hallar da var ki, məsələn üçün, hərbi xidmətdən qayıdan şəxs işdən azad edilir. O halda müəssisə mülkiyyətçisi dəyişdiyi halda şəxs işlə təmin oluna bilmirsə və s. hallarda, yəni onlar gedib müvafiq orqanda – Məşğulluq mərkəzlərində uçota işsiz kimi qeydiyyatdan keçməlidirlər və o zaman müavinət verilə bilər.
Müavinət dərhal verilmir. Onlara əgər layiqli iş təklif olunarsa, və onların məşğulluğu təmin olunarsa, bu halda verilmir. İki dəfə onlara iş təklif olunursa, imtina edirlərsə, bu halda da verilməyə bilər. Bu, qanunvericiliklə tənzimlənir. Qısaca, bu bir neçə qanunla tənzimlənən prosesdir”,-deyə Sahib Məmmədov bildirib.
