Fransanın daxili işlər naziri Loran Nunyes nazirliyin sistemlərinin kiberhücuma məruz qaldığını və hakerlərin bir neçə sənədə daxil olduqlarını açıqlayıb.
Medialive xəbər verir ki, bu barədə Le Fiqaro məlumat yayıb.
Nazir sistemlərin ciddi şəkildə ələ keçirildiyinə dair heç bir dəlil olmadığını söyləyib.
“Biz Fransa Daxili İşlər Nazirliyinin sistemlərini uğurla ələ keçirdik. Hakimiyyət orqanları yalnız hökumətin elektron poçt serverlərinə giriş əldə etdiyimizi deyiblər. Niyə polis reyestrlərinizi ələ keçirməklə əldə edə bildiyimiz 16 milyon şəxsin məlumatları barədə danışmırsınız?” – deyə haker qruplaşması məlumat paylaşıb.
Naməlum istifadəçi həmçinin kiberhücumun məşhur Shiny Hunters haker qrupunun demək olar ki, bütün üzvlərinin həbsinə qarşı qisas olduğunu iddia ediblər.
Qeyd edilib ki, hücum edənlər hökumətə onlarla əlaqə saxlamaq və danışıqlara başlamaq üçün bir həftə vaxt veriblər, əks halda oğurlanmış məlumatlar açıqlanacaq.
