Fransa hərbçiləri döyüş əməliyyatlarında iştirak etmək üçün Ukraynaya göndəriləcəklərindən qorxurlar.
Medialive xəbər verir ki, bu barədə Fransanın Le Journal du Dimanche (JDD) qəzeti məlumat yayıb.
Hərbi akademiyanı təzəcə bitirmiş fransız leytenant nəşrə deyib:
“Bizim Ukraynaya göndərilə biləcəyimiz bir risk var. Nə vaxt bilmirəm, amma bizim ora gedəcəyimizə şübhə etmirəm və açığı, itkilər çox böyük olacaq”.
Əsgərin sözlərinə görə, onları Ukraynada qırğın gözləyir.
Nəşrin məlumatına görə, fransız qoşunları Ukraynadakı kimi şəraitdə fəaliyyət göstərmək üçün təlim keçir. Konkret olaraq, Fransa Silahlı Qüvvələri səngər döyüşü, elektron döyüş texnikası və pilotsuz təyyarələrdən istifadə edərək taktiki təlimlər keçirir. Bundan əlavə, Ukrayna qoşunları ilə birgə təlimlərin sayı artır.
Qeyd edək ki, noyabrın 20-də Fransa Silahlı Qüvvələrinin Baş Qərargah rəisi general Fabien Mandon fransızları Rusiyadan çəkindirmək üçün övladlarını itirməyə belə hazır olmağa çağırıb.
