Xəbər verdiyimiz kimi, Hövsanda 76 saylı məktəbdə fond pulu yığılması ilə bağlı sosial şəbəkələrdə valideyn komitəsinin rəhbəri olduğu deyilən qadının səsi yayılıb.
O, səsli müraciətində məktəbin 8-ci sinfində təhsil alan şagirdlərin valideynlərinə yeni tədris ilinin başlanması münasibətilə fond pulu yığılacağını bildirib.
Məsələ ilə bağlı BŞTİ-dən Medialive.az-a bildirilib ki, həmin məktəbdə vəsait toplanması iddiası ilə əlaqədar sosial şəbəkədə yayılan səs yazısında adı çəkilən müəllimlə bağlanmış əmək müqaviləsinə çalışmanın yaş həddi ilə əlaqədar ötən tədris ilində xitam verilib.
Səsi yayılmış valideyn məktəbə dəvət olunub, verdiyi yazılı məlumatla səs yazısının 3 il əvvələ aid olduğunu bildirib.
Qeyd edək ki, bu kimi təşəbbüslərin yolverilməzliyi mütəmadi olaraq valideynlərin və müəllimlərin diqqətinə çatdırılır.
