İraq Ədliyyə Nazirliyi terror təşkilatı kimi tanınan Hizbullah və Husilərin aktivlərinin dondurulmasına dair qərarı icra edib.
Medialive xəbər verir ki, bu barədə LBCI televiziyası İraq Mərkəzi Bankının Terrorizmlə Mübarizə və Çirkli Pulların Yuyulmasına Qarşı Mübarizə İdarəsinin bəyanatından məlumat dərc edib.
İdarə Hizbullah və Husilərin terror fəaliyyətində iştirak etdiyini qeyd edir, lakin təfərrüatları açıqlamır.
Qeyd edək ki, noyabrda bildirilib ki, Livan Mərkəzi Bankı digər məsələlərlə yanaşı, ekstremist qrupların maliyyələşdirilməsinin qarşısını almaq üçün maliyyə əməliyyatlarına nəzarəti gücləndirmək qərarına gəlib.
