İsrail hərbi təyyarələri Livanın cənubundakı Mahmudiya və Cormok rayonlarına hava zərbələri endirib.
Medialive xəbər verir ki, bu barədə Livanın Milli Xəbər Agentliyi xəbər yayıb.
Məlumata görə, İsrail ordusu Livanın cənubuna reyd keçirib. Xüsusi təyinatlı dəstə sərhəddən bir kilometr irəliləyərək Blida bələdiyyəsinin binasına hücum edərək bir inzibati işçini öldürüb. Livanın baş naziri Navaf Salam bu hərəkətləri ölkənin suverenliyinin kobud şəkildə pozulması adlandırıb.
Livan Daxili İşlər Nazirliyinin məlumatına görə, İsrail 2025-ci ilin əvvəlindən bəri Livan ərazisinə 4500-dən çox hücum həyata keçirib. Bu hücumlar nəticəsində 300-dən çox insan həlak olub, 680-dən çox insan yaralanıb.




















