Rusiyanın xarici işlər naziri Sergey Lavrov belaruslu həmkarı Maksim Rıjenkovla dost olmayan siyasət yürüdən ölkələrlə qarşılıqlı əlaqə yanaşmalarını müzakirə etməyi planlaşdırır.
Medialive “Kommersant”a istinadən xəbər verir ki, bu barədə rusiyalı nazir Moskvada XİN və Belarusun kollegiya iclasında bildirib.
“Biz həm prezidentlər səviyyəsində, həm də nazirliklərimiz səviyyəsində beynəlxalq arenada ümumi maraqlarımıza uyğun olaraq bir-birimizə fəal şəkildə müttəfiq dəstəyimizi davam etdirmək əzmində olduğumuzu tamamilə təsdiqləmişik”, – deyə nazir bildirib.
Lavrov əmin edib ki, Moskva və Minsk beynəlxalq arenada ümumi maraqlarını nəzərə alaraq bir-birlərinə müttəfiq yardımlarını davam etdirəcəklər.
Rusiya Xarici İşlər Nazirliyinin sözçüsü Mariya Zaxarova daha əvvəl bildirmişdi ki, iclasda nazirlər əvvəlki iclasın qərarlarının icrasının aralıq nəticələrini və İttifaq dövləti çərçivəsində fəaliyyətləri ümumiləşdirəcəklər.
