“Honq Konq xarici dövlətlərin Rusiyaya tətbiq etdiyi məhdudiyyətləri tanımır və Rusiya biznesi üçün cəlbedici bir yurisdiksiyaya çevrilir”.
Medialive xəbər verir ki, bu fikirləri Rusiyanın Honq Konq və Makaodakı baş konsulu Anatoli Karqapolov TASS-a müsahibəsində deyib.
Konsul qeyd edib ki, Çinin cənubunda yerləşən bu maliyyə və logistika mərkəzinə qlobal etimad artır.
Baş konsul qeyd edib ki, Honq Konq 2026-cı ilə güclü göstəricilərlə qədəm qoyub və beynəlxalq maliyyə mərkəzi kimi mövqeyini möhkəmləndirib.
“Qeyd etmək lazımdır ki, qlobal turbulentlik fonunda metropol iqtisadiyyatı dayanıqlılıq nümayiş etdirib. Hökumətin maliyyə xidmətlərinin ilkin hesablamalarına görə, ötən il ÜDM artımı təxminən 3,2% təşkil edib. Bu uğur xüsusilə yerli fond bazarında özünü daha qabarıq şəkildə göstərib. Honq Konq yenidən ilkin ictimai təkliflər vasitəsilə cəlb edilən vəsaitlərin həcminə görə qlobal lider olub və 35 milyard dolları keçib. Çinin bu xüsusi inzibati bölgəsi artıq bir daha nüfuzlu qlobal reytinqlərin ən yüksək sıralarında yer alır”, – Karqapolov deyib.
