Baş nazir və Azərbaycan İnvestisiya Holdinqinin Müşahidə Şurasının sədri Əli Əsədov Holdinqin İdarə Heyətinin (İH) sədrinin təqdimatına əsasən qurumun Baş icraçı direktoru və İH-nin üzvü Ruslan Əlixanovun vəzifəsindən azad olunması barədə qərar qəbul edib.
Medialive.az xəbər verir ki, bu barədə Nazirlər Kabinetinə istinadən xəbər verir.
Məlumata görə, Baş icraçı direktor vəzifəsinin icrası müvəqqəti olaraq onun müavini Dəyanət Sədullayevə həvalə olunub.
Qərardan irəli gələrək Holdinqin İH-nə müvafiq tapşırıqlar verilib.
D.Sədullayev həm də “PAŞA Holdinq” MMC-nin baş direktorunun müavini və Azərbaycanda Amerika Ticarət Palatasının (“AmCham Azerbaijan”) prezidentidir.
