Sentyabrda döş xərçəngi diaqnozu qoyulan və təcili əməliyyat keçirdikdən sonra kimyaterapiya alan erməniəsilli telejurnalist Marqarita Simonyan “Ch.T.D” şousu üzərində işləməyə başlayıb.
Medialive Rusiya mediasına istinadən xəbər verir ki, televiziya layihəsi onun mərhum əri Tiqran Keosayanın “Beynəlxalq Pilorama” filmini əvəz edəcək.
Jurnalist izləyicilərini əvvəlcədən xəbərdar edib ki, müalicə onun görünüşünə xeyli təsir edib: “Orada gözələmsə, sonuncu dəfədir. Saçlarım tökülüb. Gələcək epizodları parik taxaraq lentə alacağam”.
Dünən efirə gedən yeni şouda Simonyan ilk dəfə öz saçına çox oxşayan uzun qara parikdə görünüb.
Jurnalist əlavə edib ki, o, dayanmaq fikrində deyil və səhhəti imkan verdiyi müddətcə işini davam etdirəcək.
