Reuters xəbər agentliyinin Suriyada Amerika bazalarının yerləşdirilməsi ilə bağlı yaydığı xəbərlər doğru deyil.
Medialive xəbər verir ki, bunu Suriyanın SANA agentliyi Xarici İşlər Nazirliyindəki rəsmi mənbəyə istinadən məlumat yayıb.
“Mövcud mərhələ ABŞ-ın mövqeyinin Dəməşqdə Suriyanın mərkəzi hökuməti ilə birbaşa əlaqəyə və ölkənin bölünməsinə dair istənilən çağırışları rədd edərək, ölkənin birliyinə dəstək verməyə doğru transformasiyasını göstərir”, – mənbə əlavə edib.
Bildirilib ki,müştərək siyasi, hərbi və iqtisadi koordinasiya çərçivəsində “müvəqqəti qurumlarla” əvvəllər aidiyyəti olan tərəfdaşlıq və razılaşmaların Dəməşqə köçürülməsi üçün səylər göstərilir.
Sənəddə həmçinin qeyd edilir ki, “Suriya yeni dövrdə sabitliyin möhkəmləndirilməsi və milli suverenlik və qarşılıqlı hörmət əsasında əməkdaşlığın gücləndirilməsi istiqamətində inamla irəliləyir”.
