ABŞ Prezidenti Donald Trampa Rusiyaya qarşı üç sanksiya variantı təklif edilib.
Medialive xarici mediaya istinadən xəbər verir ki, Trampın fikrincə, ən sərt variant Rusiya sənayesini və ölkənin ali rəhbərliyini, orta variant Rusiyanın enerji sektorunu, ən yumşaq variant isə məhdud tədbirləri icra etməkdir.
Tramp Rusiyanın iki ən böyük neft şirkəti Rosneft və Lukoil, eləcə də onların törəmə şirkətlərinə qarşı sanksiyalar tətbiq edib.
Məlumata görə, Ağ Evin qərarına Putinlə hər dəfə müsbət telefon danışıqlarından sonra Rusiyanın Ukraynaya zərbələri təsir edib.
Qeyd edilib ki, Trampın səbri tükənib.
Yeni sanksiyaları şərh edən Putin bəyan edib ki, bu sanksiyalar Rusiya üçün müəyyən nəticələrə səbəb olacaq, lakin iqtisadi rifaha ciddi təsir göstərməyəcək.
O, belə qeyri-dost addımın Rusiya-Amerika münasibətlərini gücləndirmədiyini və siyasi təzyiq göstərmək məqsədi daşıdığını iddia edib.
“Özünə hörmət edən heç bir ölkə və ya xalq heç vaxt təzyiq altında qərar qəbul etmir”, – Putin vurğulayıb.
Tramp isə qeyd edib ki, onun tətbiq etdiyi sanksiyaların təsirləri altı ay ərzində görünəcək.
