Jurnalist Nailə Balayeva “İsti İsti” kulinariyanın qiymət siyasətindən şikayətçidir.
Medialive.az xəbər verir ki, o, bununla bağlı sosial media hesabında paylaşım edərək müəssisəni istehlakçı hüquqlarını pozmaqda ittiham edib.
Balayevanın paylaşımında bildirilir ki, kulinariyada salatlar yalnız minimum 3 manatlıq porsiya şəklində satılır:
“Əgər cibinizdə 1-2 manat qalıbsa və ürəyiniz salat istəyirsə, qətiyyən “İsti İsti Kulinariya”ya yaxınlaşmayın. Rəhbərlik qayda qoyub ki, 3 manatdan aşağı salat verilmir. Satıcı deyir ki, salatların orta qiyməti 18 manatdır, amma 100 qramı, məsələn 1 manat 80 qəpiyə almaq olmur. Bu istehlakçının hüquqlarının kobud şəkildə pozulmasıdır. Bəsdir adamları qurşaqdan aşağı məsələlərə görə linç elədiniz. Bax, belələrini biabır etmək lazımdır ki, kasıba salat satmırlar. Dünyanın heç bir yerində və Bakının da salatlar satılan heç bir mağazasında belə qadağa yoxdur. ”.
Jurnalist həmçinin Antiinhisar və İstehlak Bazarına Nəzarət Dövlət Agentliyini məsələyə müdaxilə etməyə çağırıb.
Mövzu ilə bağlı “İsti İsti” kulinariya ilə əlaqə yaratmağa çalışsaq da, cəhdlərimiz uğursuz oldu.
Xəbərsiz.media olaraq qarşı tərəfin mövqeyini dərc etməyə hazırıq.
