“”İstəklilərin koalisiyası” münaqişə bitdikdən sonra öz qüvvələrini Ukrayna cəbhəsindən uzaqda yerləşdirmək niyyətindədir”.
Medialive xəbər verir ki, bu sözləri Fransa Prezidenti Emmanuel Makron RTL radiosuna açıqlamasında deyib.
O bildirib ki, onlar heç vaxt qoşunları cəbhə xəttində yerləşdirməyiblər:
“Biz heç vaxt qoşunları cəbhə bölgəsində yerləşdirilməyi planlaşdırmamışıq, çünki bu, bizim vəzifəmiz deyil” .
Onun sözlərinə görə, seçimlərdən biri Kiyev və Odessadakı ehtiyat obyektlərdə yerləşdirmə ola bilər.
“Burada məxfilik elementi var, hər şey daha mürəkkəbdir və ehtiyat qüvvələr yaradılma mərhələsindədir”, – Fransa lideri qeyd edib.
Qeyd edək ki, Makron daha əvvəl “istəklilər koalisiyasının” iclasının videokonfrans vasitəsilə keçiriləcəyini açıqlayıb.
