Avropa İttifaqı Polşanı həmrəylik mexanizmi çərçivəsində 2026-cı ildə götürdüyü öhdəliklərdən azad etməyə razılaşıb.
Medialive xəbər verir ki, bu sözləri Polşanın daxili işlər naziri Marçin Kiervinski mətbuat konfransında deyib.
“Polşa hər hansı köçürmə mexanizmlərini tətbiq etməkdən, eləcə də bütün əlaqədar xərclərdən azad edilib” – deyə nazir bildirib.
Siyasətçi bildirib ki, bu addım Avropanın cənubunda Aİ üzvləri tərəfindən tənqid edilib.
Qeyd edək ki, noyabrın 11-də Avropa Komissiyası Avstriya, Bolqarıstan, Polşa, Xorvatiya, Çexiya və Estoniyanın kumulyativ təzyiqlərə görə əhəmiyyətli miqrasiya vəziyyəti ilə üzləşdiyini etiraf edib və buna görə də onlara miqrantları öz ərazilərində yerləşdirmək öhdəliyindən qismən və ya tam azad olmaq üçün müraciət edib.
