Beynəlxalq Ədalət Məhkəməsi Rusiyanın Ukraynaya qarşı iddialarını əsaslı hesab edib və onların məhkəmə prosesinə rəsmən daxil edilməsinə qərar verib.
Medialive xəbər verir ki, qərar dördün əleyhinə 11 səs çoxluğu ilə qəbul edilib.
Məhkəmə növbəti prosessual addımları da açıqlayıb.
Ukrayna Rusiyanın iddialarına cavabını 2026-cı il dekabrın 7-dək verməlidir. Rusiya etirazlarını 2027-ci il dekabrın 7-dək təqdim edə bilər.
Qeyd edək ki, dekabrın 5-də Rusiya Xarici İşlər Nazirliyi Beynəlxalq Ədalət Məhkəməsinin Rusiyanın tərəfini tutduğunu və 1948-ci il Soyqırım Cinayətinin Qarşısının Alınması və Cəzalandırılması haqqında Konvensiyaya əsasən Moskvanın Ukraynaya qarşı əks ittihamlarını baxılmaq üçün qəbul etmək qərarına gəldiyini bildirib. Nazirlik əlavə edib ki, Kiyevin etirazlarına baxmayaraq, Moskvanın tələbləri tam məqbul hesab edilib.
