Son günlər İranda baş verən etirazlar fonunda müxtəlif əyalətlərdə kütləvi halda hökumət lehinə yürüşlər keçirilir.
Medialive xəbər verir ki, bu barədə İran mediası məlumat yayıb.
İran dövlət televiziyası bir neçə şəhərdə hökuməti dəstəkləyən yürüşlərin görüntülərini yayımlayır.
İştirakçılar əllərində bayraqlar, Amerika və İsrail əleyhinə şüarlar yazılmış bannerlər, İslam İnqilabının banisi, ölkənin ilk Ali Rəhbəri İmam Ruhullah Xomeyninin və respublikanın hazırkı lideri Ayətullah Əli Xameneinin portretlərini tuturlar.
Verilişlərdə insanların şəhərlərin əsas küçələrində vətənpərvər musiqi sədaları altında yürüş etdiyi, liderləri izlədiyi və hökumətyönlü şüarlar səsləndirdiyi göstərilir. Tehranda genişmiqyaslı yürüş bu dəqiqələrdə başlayıb.
Qeyd edək ki, İran Prezidenti Məsud Pezeşkian xalqa müraciətində etirazçılara iqtisadi islahatları davam etdirəcəklərinə və problemlərinin həllinə söz verib və ABŞ və İsraili iğtişaşları təşkil etməkdə günahlandırıb.
O, radikalların öz həqiqi tələblərini yerinə yetirməsinin qarşısını almaq üçün insanları küçələrə çıxmağa çağırıb.
