ABŞ-nin Oreqon ştatında yaşayan 25 yaşlı qadın paltar yuyarkən gözlərinə ağartıcı sıçradıqdan sonra görmə qabiliyyətini birdəfəlik itirib.
Medialive Qərb mediasına istinadən xəbər verir ki, gənc qadın əvvəlcə heç bir ağrı hiss etmədiyi üçün vəziyyətə yüngül yanaşdığını, lakin bunun onun həyatının ən böyük səhvi olduğunu deyib.
Gənc ananın sağ gözü öncə şişib, sonra isə yumulub, görmə qabiliyyəti isə kəskin şəkildə azalıb.
Qadın həkim olan bacısı ilə video zəng vasitəsilə danışaraq vəziyyətinin ciddiliyini bildiyini və dərhal təcili yardım şöbəsinə getdiyini söyləyib.
Müayinələr zamanı sağ gözünün buynuz qişasında xora və kimyəvi yanıqlar aşkarlanıb. Həkimlər ağartıcının göz qapağının altında qaldığını görüblər.
Dərhal müalicə üçün aparılan qadının gözünə Morgan linzası taxılıb. Gözə davamlı maye verilməsini əhatə edən bu müalicəyə yalnız bir saat yarım dözə biləcəyini bildirən 25 yaşlı qadın təcrübəsini bu sözlərlə təsvir edib:
“Bu, işgəncə idi, sanki gözlərimdə şüşə qırıntıları var idi”.
Bir aylıq steroid və antibiotik müalicəsindən sonra gənc qadın sağ gözündə 5-10 faizlik daimi görmə itkisi yaşayıb.
