Bu yay milyonlarla turist İspaniyaya, eyni zamanda dünyaca məşhur İbizaya axın edəcək, lakin onlar əvvəlcədən bank hesablarını yoxlamalıdırlar.
Medialive.az xarici mediaya istinadən xəbər verir ki, bu barədə İspaniya XİN əcnəbilər üçün yeni məhdudiyyətlər tətbiq edib.
Yeni qərara əsasən artıq ölkəyə 90 günə qədər gələn hər əcnəbinin ölkədə bir günlük qalması üçün adambaşına ən azı 122 avrosu olmalıdır.
Əsas problem minimum hədd qaydasıdır. İspaniyada minimum əmək haqqının artması səbəbindən giriş üçün tələb olunan minimum sabit məbləğ 1090 avroya yüksəlib. Bu o deməkdir ki, dörd günlük səfər etsəniz belə 1090 avro xərcləməlisiniz.
İspaniya hökuməti təkcə pul məbləğinə deyil, həm də onu müşayiət edən bürokratiyaya dair tələbləri sərtləşdirib. Qaydalarda kiçik şriftlə deyilir:
Gömrük orqanları artıq bu qaydanı icra edib. Belə ki, bir qrup turist maliyyə dövriyyələrini göstərə bilmədikləri üçün Pasxa tətili zamanı Malaqa hava limanına buraxılmayıblar.
