Suriyada devrilmiş Bəşər Əsəd rejiminə aid daha bir gizli yeraltı həbsxana aşkar edilib.
Medialive xarici mətbuata istinadən xəbər verir ki, bunu Suriya Daxili Təhlükəsizlik Qüvvələri açıqlayıb.
Suriyanın dövlət xəbər agentliyi SANA-ya danışan polis rəisi müavini həbsxananın qapalı yeraltı bunker kimi tikildiyini bildirib.
Tunellərlə birləşən tikilidə dəmir qapılar, ədyallar, çubuqlar, kəndirlər, işgəncə izləri aşkar edilib. Rejim tərəfdarı milis qruplarına aid sənədlər və təbliğat kitabları da aşkar edilib.
Təhlükəsizlik qüvvələrinin məlumatına görə, həbsxana 5 metr dərinlikdə olan əsas tuneldən 40 metr aşağı enir.
İçəridə onlarla kiçik kamera və dindirmə otaqları aşkar edilib.
