Salyan rayonundan olan deputat Günay Ağamalı ilə bağlı sosial şəbəkələrdə yayılan video müzakirələrə səbəb olub.
İddialara görə, Samux rayonunun Ziyadlı kənd sakini çəkdiyi videoda Ağamalı ailəsinin kənd ərazisində 20 hektar torpaq sahəsini zəbt etdiyini bildirib.
Kənd sakininin sözlərinə görə, ailə həmçinin kəndin artezian quyusunun yerləşdiyi ərazini özəlləşdirib, hasara alıb.
Videoda səslənən daha bir iddia odur ki, sözügedən torpaq sahəsinin bir hissəsi qəbiristanlıq ərazisi olub və orada ferma inşa edilib.
Sosial şəbəkələrdə sürətlə yayılan görüntülər istifadəçilər arasında müxtəlif reaksiyalara səbəb olub.
Məsələ ilə bağlı deputat Günay Ağamalıya zəng etsək də, zənglərimiz cavabsız qaldı.
Qarşı tərəfin də mövqeyini dərc etməyə hazırıq.
Medialive.az sitat.info-ya istinadən həmin videonu təqdim edir.
