Avropa İttifaqının 7 ölkəsi Avropa Komissiyasından 2024-cü ildə ixracdan əldə olunan 5,4 milyard avro dəyərində Rusiya mallarına tariflər təklif etməsini istəyir.
Medialive xəbər verir ki, bu barədə “Politico” yazıb.
“Aİ-nin 7 ölkəsi… 2024-cü ildə ixrac gəliri 5,4 milyard avro təşkil edən Rusiya mallarına gömrük rüsumlarının tətbiqi ilə bağlı Avropa Komissiyasına müraciət edilməli olduğunu bildirdi”, – nəşr qeyd edib.
Məqalədə göstərildiyi kimi, belə bir təklif Estoniya, Latviya, Litva, Polşa, Finlandiya, İsveç və Almaniya tərəfindən irəli sürülüb.
Qeyd edək ki, sentyabrda Avropa Komissiyası Rusiya neftinin idxalına Aİ tariflərinin artırılması təklifini təqdim etməyi planlaşdırdığını açıqlamışdı. Avropa Komissiyasının sözçüsünə görə, belə bir təklif ticarətə aid olduğu üçün sadə səs çoxluğu ilə ayrıca təsdiq oluna bilər. Bununla belə, o, Macarıstan və Slovakiyanın belə bir qərarın istisna edilməsini tələb edə biləcəyinə aydınlıq gətirməkdən imtina edib.
