Sevilən müğənni Aysel Əlizadə yeni layihəsini təqdim edib.
Medialive.az xəbər verir ki, sənətçi “Dəyişdin” adlı mahnısını və həmin ifaya çəkilən klipi izləyicilərinin ixtiyarına verib.
Yeni bəstənin musiqisi tanınmış bəstəkar Tərlan Məmmədhüseynova, sözləri isə Rafael Şabanova məxsusdur.
Ayrılıqdan bəhs edən mahnıya Türkiyədə peşəkar çəkiliş komandası ilə birgə ekran həyatı verilib.
Sənətçinin uzun fasilədən sonra yeni işini təqdim etməsi həm sənət aləmində, həm də pərəstişkarları arasında böyük maraq doğurub.
