Paris məhkəməsi Fransanın birinci xanımı Bricit Makron haqqında internetdə saxta xəbərlər yayan 10 nəfəri təqsirli bilib.
Medialive xəbər verir ki, bu barədə France Info radiosu məlumat yayıb.
Məlumata görə, məhkəmə işi Fransa Prezidenti Emmanuel Makronun həyat yoldaşının kişi doğulduğu barədə internetdə şayiələr yayan səkkiz kişi və iki qadınla bağlıdır.
Bu iş üzrə maksimum cəza 8 ay şərti həbs cəzası olub.
Prokurorlar təqsirli bilinənlərə 6 aydan 1 ilə qədər şərti cəza tələb ediblər.
Bu iş üzrə məhkəmə prosesi oktyabrda başa çatıb. Həbs edilənlər arasında bir neçə İT mütəxəssisi, müəllim və sosial işçi olub.
