“CineMastercard”da “Stiçhed. Şirin Xoxan” animasiyasının azərbaycanca dublyajı baş tutub - FOTOLAR

Medialive.az xəbər verir ki, filmin səsləndirilməsi üçün tanınmış aktyorlar və bloqerlər dəvət olunub: Nofəl Şahlaroğlu, Cəmil Məmmədli, Emil Musayev, Lalə Süleymanova, Erkin Ergin, Nəcibə Hüseynova, Səid Məmmədov, Sevda Bıyık və başqaları. Layihənin rəhbəri və səs rejissoru – Teymur Kərimov, dublyaj və adaptasiya rejissoru isə Vüqar Hüseynovdur.

Qonaqları zəngin əyləncə proqramı gözləyirdi: Yeni il geyimli personajlar, kloun Aquşanın şou proqramı, uşaqlar üçün bayram akvaqrimi ilə Face Art, müxtəlif yeni il şirniyyatları, eləcə də filmin əsas qəhrəmanı — mehriban Stiçhed, balaca tamaşaçıları şəxsən qarşılayaraq bayramı unudulmaz etdi.

Tədbirin təşkilinə dəstək göstərən tərəfdaşlar: Cinema Distribution, Brand Media Groups, “MADO restoranı, foto və video çəkiliş – “Light in Black” kreativ şirkəti, “Hellofox” event agentliyinin animatorları, “Bakery Street” kulinariyası, “Amigos Joy” şirkəti, Magic Face Art və Bonaqua.

Animasiya filmin süjeti: Sakit qəsəbənin üzərində ucalan qalanın qülləsində dəli professor qorxunc varlıqlar yaradır, lakin onlara çox tez marağını itirir. Yeni yaranan məxluqların qayğısı isə Stiçhedin üzərinə düşür. O, professorun ilk əsəridir – qaladakı canlıların mehriban qoruyucusu və sadiq keşikçisidir. Yalnız o, ən vəhşi instinktli məxluqları belə sakitləşdirə bilir. Lakin bir gün qonşu şəhərə səyyar sirk gəlir və publikanı əyləndirmək üçün varlıqlar axtaran hiyləgər direktor Stiçhedi aldadaraq onu doğma qaladan uzaqlaşdırır. O, ona şöhrət, sərvət və hətta sevgi vəd edir.

Azərbaycanca dublyajın premyerası uşaqların və valideynlərin böyük marağına səbəb oldu və filmi yalnız “CineMastercard” kinoteatrlar şəbəkəsində izləmək mümkündür.

Aşağıdakı liklər vasitəsilə treyler və videoçarxa baxa bilərsiniz: