“AzerGold” QSC-nin, “Daşkəsən Dəmir Filiz” MMC, Daşkəsən Rayon İcra Hakimiyyəti və Daşkəsən şəhər Kommunal Müəssisələri Kombinatının birgə təşkilatçılığı ilə Daşkəsən rayonunda növbəti ekoloji aksiya təşkil edilib.
Medialive.az xəbər verir ki, Zağalı kəndində keçirilən təmizlik aksiyasında kənd ərazisində yerləşən 10 hektara yaxın sahə aksiya iştirakçıları tərəfindən plastik, polietilen, metal, şüşə, kağız, karton və digər tərkibli tullantılardan təmizlənib, eləcə də ərazidəki alaq otları biçilib. Yığılmış bərk tullantılar çeşidlənərək, təkrar emala yönəldilib.
Xatırladaq ki, “AzerGold” QSC ölkəmizin dağ-mədən sənayesini uğurla təmsil edən dövlət şirkəti kimi ətraf mühitin mühafizəsi ilə bağlı təşəbbüslərdə fəal mövqeyə sahibdir.
Cəmiyyət hasilat və istehsalat sahələrində fəaliyyətini yerli və beynəlxalq ekoloji normalara uyğun təşkil etməklə yanaşı, regionda ardıcıl və sistemli ekoloji layihələr, maarifləndirmə tədbirləri həyata keçirir.
