İslam İnqilabı Keşikçiləri Korpusu (SEPAH) Hörmüz boğazında üç neft tankerinə hücum etdiyini açıqlayıb.
Medialive.az xəbər verir ki, bu barədə Tasnim xəbər agentliyi məlumat yayıb.
Nəşr qeyd edib ki, SEPAH-ın dəniz qüvvələri Hörmüz boğazı üzərində tam nəzarəti həyata keçirməyə davam edir.
“Bir neçə saat əvvəl üç neft tankeri hücuma məruz qalıb və saxlanılıb. Onlar qaydaları pozub, xəbərdarlıqlarımızı qulaqardına vuraraq təhlükəli və qanunsuz şəkildə üzməyə davam ediblər”, – deyə məlumatda qeyd olunur.
O da əlavə edilib ki, ABŞ ordusunun bölgədəki gəmilərin fəaliyyətinə qanunsuz müdaxiləsi cavabsız qalmayacaq.
