İsrail ordusunun oktyabrın 10-dan qüvvəyə minən atəşkəsi pozması nəticəsində Qəzzada 400 fələstinli həlak olub.
Medialive xəbər verir ki, bu barədə HƏMAS-ın siyasi bürosunun üzvü Qazi Həməd məlumat yayıb.
O, Qətərin “Əl-Cəzirə” telekanalına verdiyi açıqlamada qeyd edib ki, atəşkəs razılaşması qüvvəyə minəndən bəri 400 nəfər həlak olub. Ölənlərin 95%-dən çoxu mülki şəxslər olub.
Onun sözlərinə görə, Qəzza hökuməti İsrailin əldə etdiyi razılaşmaların təxminən 813 pozuntusu qeydə alıb.
Həməd danışıqlarda vasitəçiləri tədbir görməyə çağırıb və İsrailin hərəkətlərinin atəşkəsə ciddi təhlükə yaratdığını vurğulayıb.
Qeyd edək ki, bu ilin oktyabrın 9-da İsrail və HƏMAS, Misir, Qətər, ABŞ və Türkiyənin vasitəçiliyi ilə ABŞ Prezidenti Donald Trampın təqdim etdiyi sülh planının birinci mərhələsini həyata keçirmək barədə razılığa gəliblər.
Qəzzada atəşkəs 10 oktyabrda qüvvəyə minib.
