Kambocanın baş naziri Hun Manet xalqı Taylandla sərhəddə gərginlik fonunda suverenliyi qorumaq üçün birləşməyə çağırıb.
Medialive xəbər verir ki, bu barədə Khmer Times qəzeti məlumat yayıb.
Kamboca hökuməti iki əsas vəzifəsini bir daha təsdiqləyir. Əhalinin qorunması və ölkənin ərazi bütövlüyü və suverenliyinin qorunması, Hun Manet bildirib.
Kamboca Milli Müdafiə Nazirliyi bundan əvvəl Taylandı oktyabr ayında sərhəddə yerləşən Preah Vihear əyalətində Kamboca ordusuna qarşı Tailand qüvvələrinin silsilə hücumlarından sonra imzalanmış birgə sülh bəyannaməsini pozmaqda ittiham edib.
Qeyd edək ki, dekabrın 8-də Kamboca ASEAN-ın Monitorinq Qrupunu Tailandla sərhəddə gərginliyin yeni yüksəlişi barədə məlumatlandırıb və yenidən baş verən döyüşlərlə bağlı tam araşdırma aparmağa çağırıb.
Kamboca Müdafiə Nazirliyinin məlumatına görə, Tayland silahlı qüvvələri dekabrın 8-də Kambocanın mövqelərinə hücuma başlayıb. Bu hücum Tailand qüvvələrinin sərhədyanı ərazilərdə bir neçə gün davam edən təxribat hərəkətlərindən sonra baş verib.
Məlumata görə, Taylandla sərhəddə münaqişənin qızışması nəticəsində azı 4 Kambocalı mülki şəxs həlak olub, daha 9 nəfər yaralanıb.
