Taylandın baş naziri Anutin Çanvirakun iki ölkə arasında gərginləşən vəziyyətin həlli üçün Kamboca ilə danışıqlar aparmayacaq.
Medialive xəbər verir ki, bu barədə “The Nation” qəzeti məlumat yayıb.
“Bizim cavabımız müharibə deyil. Bu, onların Taylandın suverenliyinə təhlükə törətməməli olduqlarını açıq şəkildə nümayiş etdirmək məqsədi daşıyan tədbirdir. Bu andan etibarən heç bir danışıqlar olmayacaq. Əgər biz döyüşlərə son qoymaq istəyiriksə, Kamboca Taylandın müəyyən etdiyi kursu izləməlidir”.
Qeyd edək ki, Tayland ordusu daha əvvəl Kamboca ilə sərhəddə baş verən toqquşmalarda bir əsgərinin öldüyünü, dördünün isə yaralandığını açıqlayıb.
