“Əgər Pnompen Bangkokun üç tələbini yerinə yetirsə, Tayland Kamboca ilə atəşkəs barədə danışıqlar aparacaq”.
Medialive xəbər verir ki, bu barədə Tayland Xarici İşlər Nazirliyinin İnformasiya Departamentinin baş direktoru Nikondeth Phalangkun brifinqdə bildirib.
“Birincisi, Kamboca açıq şəkildə atəşkəs elan etməlidir. İkincisi, atəşkəs tətbiq olunmalı və riayət edilməlidir. Üçüncüsü, Kamboca mina təmizləmə səylərində ciddi şəkildə iştirak etməlidir”, – deyə o bildirib.
Phalangkun əlavə edib ki, Tayland sərhəd münaqişəsinin sülh yolu ilə həlli üçün BMT-nin İnsan Hüquqları üzrə Ali Komissarlığının Ofisi və Beynəlxalq Qırmızı Xaç Komitəsi kimi beynəlxalq təşkilatlarla əməkdaşlığa hazırdır.
Qeyd edək ki, Tayland-Kamboca sərhədində dekabrın 7-də silahlı toqquşmalar başlayıb.
Tayland Kral Ordusu bildirib ki, Kamboca qüvvələri sərhəd bölgəsindəki Tayland mövqelərini artilleriya atəşinə tutub və Tayland qüvvələri əsas ərazilər üzərində nəzarəti ələ keçirmək və düşmənə zərər vurmaq üçün Kamboca hərbi infrastrukturuna hücum edərək cavab verib.
