Türkiyə Prezidenti Rəcəb Tayyib Ərdoğan Ankaranı Putin və Zelenski ilə birbaşa əlaqə quran və Ukrayna münaqişəsinin həllinə kömək edən yeganə oyunçu adlandırıb.
Medialive xəbər verir ki, bu barədə TRT Haber məlumat yayıb.
“Türkiyə həm Putin, həm də Zelenski ilə birbaşa əlaqə qura bilən, eyni zamanda Vaşinqton, Brüssel, NATO və Birləşmiş Millətlər Təşkilatında Ukraynada nizamlanma istiqamətində konkret addımlar atan, güclü və balanslı diplomatik əlaqələr saxlayan yeganə oyunçudur” .
Ərdoğan eyni zamanda ABŞ Prezidenti Donald Trampla Ukrayna münaqişəsinin həllini müzakirə etməyi planlaşdırır.
Qeyd edək ki, Türkiyə hökuməti dəfələrlə Rusiya ilə Ukrayna arasında birbaşa danışıqlar üçün platforma təmin etməyə hazır olduqlarını bildirib və liderlərin Ukrayna ilə bağlı görüşünə ümid etiyini açıqlayıb.
