İmmiqrasiya tədbirlərinin sərtləşdirilməsindən sonra 50 min tibb bacısı Britaniyanı tərk edə bilər.
Medialive xəbər verir ki, bu barədə “The Guardian” Kral Tibb Bacısı Kollecinin (RCN) araşdırmasına istinadən məlumat yayıb.
Bu, İngiltərədə Milli Səhiyyə Xidmətinin böyük kadr böhranı ilə üzləşməsinə səbəb ola bilər.
Hökumətin təklif etdiyi dəyişikliklər xarici tibb işçilərinin ciddi narahatlığına səbəb olur.
Məlumata görə, daimi rezidentlik statusu olmayan işçilərin 60%-i dəyişikliklərin onların Britaniyada qalmaq planlarına təsir edəcəyini bildirib.
Bu, təxminən 46 min mütəxəssisin ölkəni tərk etməsinə səbəb ola bilər.
Qeyd edilib ki, hazırda Britaniyada xaricdə təhsil almış 200 mindən çox tibb bacısı çalışır.
Qeyd edək ki, noyabrın 17-də Britaniya hökuməti sığınacaq axtaranlarla bağlı siyasətini sərtləşdirmək planlarını açıqlayıb.
Plana əsasən, sənədsiz mühacirlərin ölkədə daimi qalmaq üçün gözləmə müddəti 4 dəfə artırılaraq 20 ilə çatdırılacaq. Eyni zamanda, sığınacaq axtaran şəxslərə dərhal daimi yaşayış icazəsinin verildiyi müddət beş ildən iki il yarıma endiriləcək. Əgər miqrantın ölkəsi geri qayıtmaq üçün təhlükəsiz hesab edilərsə, onların Böyük Britaniyada qalmaq üçün daha qanuni səbəbi olmayacaq.
