Endirim kampaniyası təşkil olunan mağazalardan birində yaşanan izdiham sosial mediada gündəmə gəlib.
Medialive.az xəbər verir ki, yayılan görüntülərdə çox sayda müştərinin endirimli məhsullardan yararlanmaq üçün mağazaya axın etdiyi görünür.
Kadrlardan alıcıların məhsulları əldə etmək üçün tələsdiyi, bir-birini qabaqlamağa çalışdığı və mağazada ciddi sıxlıq yarandığı müşahidə olunur.
Görüntülər sosial şəbəkələrdə yayıldıqdan sonra istifadəçilər arasında fərqli reaksiyalar doğurub. Bəzi izləyicilər böyük endirimlər zamanı belə mənzərənin başadüşülən olduğunu qeyd ediblər. Digərləri isə yaranan izdihamı və alıcıların davranışını tənqid ediblər.
Paylaşım qısa müddətdə geniş yayıldığından mağazadakı endirim zamanı yaşananlar sosial şəbəkələrdə müzakirə mövzusuna çevrilib./milli.az/
