Telegram-ın təsisçisi Pavel Durovun Fransadan BƏƏ-yə ekstradisiya edilməsi ehtimalı azdır, çünki o, hər iki ölkənin vətəndaşlığına malikdir.
Medialive.az xəbər verir ki, bu barədə rus vəkil Kaloy Axilqov TASS-a bildirib.
“Axtarış siyahısına salınmaq o qədər də asan deyil. Bu, avtomatik olaraq İnterpolun qırmızı bildirişi demək deyil, çünki təşkilatın konstitusiyası siyasi məsələlərə müdaxiləni qadağan edir və bu cür bildirişlər çox vaxt bu hallarda verilmir”, – deyə vəkil qeyd edib.
O əlavə edib ki, Birləşmiş Ərəb Əmirlikləri də konstitusiya qadağasına görə öz vətəndaşlarını ekstradisiya etmir.
Durovun fransalı vəkili Filip de Vyulle TASS agentliyi ilə söhbətində eyni fikri bildirib. O bildirib ki, əgər İnterpol Rusiyanın tələbi ilə qırmızı bildiriş verərsə, bu, Fransada dərhal tətbiq olunmayacaq.
Durov Rusiya və Fransa ilə yanaşı, Birləşmiş Ərəb Əmirlikləri və Sent-Kits və Nevis vətəndaşlığına da malikdir.
Qeyd edək ki, Rusiya Durova Cinayət Məcəlləsinin 205.1.1.1-ci maddəsi (“Terror fəaliyyətinə kömək”) ilə ittiham irəli sürüb və onun beynəlxalq axtarışa verib.
