Gürcüstanda qanunsuz miqrasiyaya qarşı mübarizə tədbirləri çərçivəsində Daxili İşlər Nazirliyinin Miqrasiya İdarəsinin əməkdaşları əsas olmadan ölkə ərazisində olan Türkiyə vətəndaşını saxlayıb.
Medialive xəbər verir ki, bu barədə “Georgia Online” məlumat yayıb.
Qurumun məlumatına görə, saxlanılan şəxs oğurluq, basqın, dələduzluq və həbsdən qaçmaqda təqsirli bilinib.
Daxili İşlər Nazirliyinin Miqrasiya İdarəsi ilə Baş Kriminal Polis İdarəsi əməkdaşlarının sıx əməkdaşlığı nəticəsində müəyyən edilib ki, saxlanılan şəxs müxtəlif növ cinayətlərə, yəni oğurluq, bədən xəsarəti yetirmə, dələduzluq və həbsxanadan qaçmağa görə Türkiyə Respublikasının hüquq-mühafizə orqanları tərəfindən milli səviyyədə axtarışdadır.
Miqrasiya İdarəsinin əməkdaşları Türkiyə vətəndaşını Vale sərhəd-keçid məntəqəsindən deportasiya ediblər, saxlanılan şəxs qabaqlayıcı tədbirlər görülməsi üçün Türkiyə hüquq-mühafizə orqanlarına təhvil verilib.
