HƏMAS atəşkəs razılaşması çərçivəsində İsrail tərəfindən boşaldılan Qəzzadakı ərazilərinə nəzarəti gücləndirir.
Medialive xəbər verir ki, bu barədə Reuters məlumat yayıb.
Məlumata görə, HƏMAS-ın inzibati və təhlükəsizlik qüvvələri öz büdcələrini artırmaq üçün nəzarət etdikləri ərazilərdə yanacaq və siqaret daxil olmaqla, özəl idxal mallarına yeni rüsumlar tətbiq edirlər.
Eyni zamanda, mağaza və bazarlarda satılan ərzaq və digər mallara qiymət nəzarəti tətbiq edir, ticarətçilərə cərimələr tətbiq edirlər.
Qeyd edək ki, sentyabrın 29-da Ağ Ev Trampın Qəzzadakı münaqişənin həllinə yönəlmiş hərtərəfli planını açıqlayıb.
Sənəd 20 bənddən ibarətdir və digər məsələlərlə yanaşı, anklavda müvəqqəti xarici administrasiyanın yaradılmasını və beynəlxalq sabitləşdirici qüvvələrin yerləşdirilməsini nəzərdə tutub.
Oktyabrın 9-da münaqişə tərəfləri planın birinci mərhələsinin həyata keçirilməsinə dair saziş imzalayıblar.
Oktyabrın 10-da Qəzzada atəşkəs razılaşması qüvvəyə minib.
