Hindistan Kosmik Tədqiqatlar Təşkilatı (ISRO) Amerikanın BlueBird Block-2 kommersiya rabitə peykini aşağı Yer orbitinə buraxıb.
Medialive xəbər verir ki, təşkilat buraxılışı sosial mediada yayımlayıb.
Peyk Hindistanın ən güclü buraxılış vasitəsi olan LVM3 tərəfindən Şriharikota kosmodromundan orbitə buraxılıb.
BlueBird rabitə peyki Amerika şirkəti AST SpaceMobile tərəfindən hazırlanıb. Çəkisi 6,5 tondur və 19 oktyabrda ABŞ-dən Hindistana çatıb.
BlueBird-in buraxılışı ABŞ və ISRO arasında əməkdaşlığın ikinci nümunəsidir. İyulda ISRO, sıx buludları və buzlu təbəqələri dəf edərək Yer kürəsinin yüksək keyfiyyətli görüntülərini əldə etməyi hədəfləyən 1,5 milyard dollarlıq NASA-ISRO Sintetik Apertura Radar Missiyasını uğurla başladıb.
