“İran rejimi son dövrlərini yaşayır. Avropa İttifaqı etirazçıları dəstəkləmək üçün sürətli və sərt tədbirlər görməlidir”.
Medialive xəbər verir ki, bu sözləri Avropa Parlamentinin Prezidenti Roberta Metsola Euronews-a verdiyi müsahibəsində deyib.
Metsola İslam İnqilab Keşikçilərinin terrorçu təşkilat kimi tanınmasını və əlavə sanksiyaların tətbiqini təklif edib.
Prezident İran rejiminin fundamental azadlıqları boğmaq üçün zorakılıq və repressiyadan istifadə etdiyini vurğulayaraq, Avropa Birliyi liderlərini bu məsələdə daha fəal olmağa çağırıb.
Avropa Parlamentinin rəhbəri ABŞ Prezidenti Donald Trampın İrana mümkün müdaxilə planlarını yekunlaşdırmasını gözləmədən, Aİ-nin dərhal etirazçıları dəstəkləməli olduğunu əlavə edib.
Metsola bu ili “diktaturaların sona çatacağı il” adlandırıb və beynəlxalq ictimaiyyətin İran xalqının yanında olmasının vacib olduğunu vurğulayıb.
