Keniya sahillərində təyyarənin qəzaya uğraması nəticəsində 10 avropalı turist və bir pilot həlak olub.
Medialive BBC News-a istinadən xəbər verir ki, bu barədə Keniya Mülki Aviasiya İdarəsi məlumat yayib.
Məlumata görə, təyyarə Dian çimərlik kurortundan dünyaca məşhur Masai Mara oyun parkının uçuş-enmə zolağına uçarkən qəzaya uğrayıb.
Bildirilib ki, təyyarədə səkkiz macar, iki alman və bir keniyalı pilot olub, onların hamısı qəzada həlak olub.
