Kanadalı müğənni Neli Furtado sosial şəbəkələrdə onun bədən quruluşunu və geyimini tənqid edən nifrətçilərin hücumlarına istinad edərək, qastrol səfərindən ayrıldığını elan edib.
Medialive xarici mediaya istinadən xəbər verir ki, 46 yaşlı ulduz bu barədə İnstaqramda “Vay, Nelly!” adlı debüt albomunun 25-ci ildönümü münasibətilə çəkilmiş fotolarını və Berlindəki son çıxışından kadrları yerləşdirərkən danışıb.
“Hər şey əyləncəli idi, amma mən müvəqqəti olaraq ifaçılıqdan uzaqlaşmağa və özümü həyatımın növbəti mərhələsinə daha uyğun olan digər yaradıcı və şəxsi layihələrə həsr etməyə qərar verdim”. – deyə müğənni bildirib.
Müğənni musiqi yazmağı sevdiyini vurğulayaraq “Mən həmişə mahnı müəllifi olacağam” – deyə qeyd edib.
O, bu illər ərzində göstərdikləri dəstəyə görə pərəstişkarlarına təşəkkür edib: “Musiqilərimi dinləyən və konsertlərimə gələn hər kəsə sonsuz təşəkkürlər”.
