“Ümid edirəm ki, Çin bizim çağırışımıza və kritik infrastruktura hücumlara moratorium şəklində atəşkəs əldə etmək səylərimizə qoşulacaq”.
Medialive xəbər verir ki, bu fikirləri Çində səfərdə olan Fransa Prezidenti Emmanuel Makron deyib.
“Bu, qarşıdan gələn qış üçün mühüm əhəmiyyət kəsb edir, çünki bu gün Ukraynanın mülki infrastrukturu, xüsusən də enerji sektoru hələ də Rusiyanın atəşi altındadır”, – deyə Makron qeyd edib.
Qeyd edək ki, Rusiya daha əvvəl enerji obyektlərinə hücumlara moratoriumun qoyulması çağırışlarını rədd edib.
Rusiya Müdafiə Nazirliyi mütəmadi olaraq enerji obyektlərini hərbi sənaye kompleksi müəssisələri ilə əlaqələndirərək hədəfləri adlandırıb. Ukrayna pilotsuz təyyarələri müntəzəm olaraq neft emalı zavodlarına hücum edir. Ukrayna Silahlı Qüvvələrinin Baş Qərargahı bu obyektlərin Rusiyanın hərbi potensialını dəstəklədiyini iddia edir.
