ABŞ Prezidenti Donald Trampın sülh planı düzgün istiqamətdə gedir, lakin onun Ukrayna və Avropa üçün məqbul olması üçün təkmilləşdirilməsi lazım olan aspektlər var.
Medialive xəbər verir ki, bu fikirləri Fransa Prezidenti Emmanuel Makron RTL radiosuna müsahibəsində deyib.
“Bu, düzgün istiqamətdə – sülhə doğru irəliləyən təşəbbüsdür. Bununla belə, bu planın müzakirəyə, razılığa və təkmilləşdirməyə layiq aspektləri var”, – Makron bildirib.
O əlavə edib ki, yalnız ukraynalılar hansı ərazi güzəştlərinə getməyə hazır olduqlarına qərar verə bilərlər.
“Masaya qoyulan şey bizə ruslar üçün nəyin məqbul olacağı barədə təsəvvür yaradır. Bu, ukraynalıların və avropalıların razılaşacağı bir şey deməkdirmi? Cavab xeyrdir”, – Makron deyib.
Fransa prezidentinin sözlərinə görə, Rusiya ilə sülh əldə olunacağı təqdirdə Ukraynanın ilk müdafiə xətti öz ordusunun bərpası olacaq və bununla bağlı heç bir məhdudiyyət ola bilməz.
O, həmçinin bildirib ki, dondurulmuş Rusiya aktivləri Avropadadır və onlarla nə edəcəyinə yalnız Avropa qərar verə bilər.
