“ABŞ və Rusiya prezidentləri arasında Budapeşt görüşü hələ təyin olunmayıb, lakin nəyin bahasına olursa-olsun onu pozmaq cəhdlərinə dair aydın dəlillər var”.
Medialive xəbər verir ki, bu sözləri Slovakiyanın baş naziri Robert Fiko deyib.
O, bu barədə şəxsi feysbuk hesabında paylaşım edib.
Fiko bildirib ki, Putin Rusiyadan çıxarkən saxlanıla bilər. Çünki bu barədə Avropa Komissiyası Macarıstana xəbərdarlıq edib.
“Mən həmişə müdafiə etmişəm ki, Avropa İttifaqı müharibə kabinetinə çevrilib, Aİ-yə üzv ölkələrin əhəmiyyətli bir hissəsi Ukraynadakı müharibəni dəstəkləyirlər ki, bu yolla Rusiyanı zəiflədə, hətta məğlub edə bilərlər.
Bu həm paradoksaldır, həm də Aİ-nin imkansız xarici siyasəti üçün xarakterikdir: bəzi liderlər artıq Budapeşt sammitinə getməyə çalışır, Zelenskinin də iştirakını təmin etmək üçün addımlar atılır. Slovakiyada buna potensial razılaşmaya çəngəl atmaq deyilir – deyə Fiko əlavə edib.
Qeyd edək ki, NBC News telekanalının müxbiri Qarret Haak Ağ Evdəki mənbələrə istinadən Rusiya və ABŞ prezidentləri Vladimir Putin və Donald Trampın Macarıstanın paytaxtı Budapeştdə keçiriləcək sammitinə hazırlıqların dayandırıldığını açıqlamışdı.
