ABŞ Prezidenti Donal Trampın kürəkəni Jared Kushner və onun xüsusi nümayəndəsi Steve Uitkof ən çox baxılan proqramlardan biri olan “60 Minutes” verilişində sükutu pozublar.
Medialive.az xarici mediaya istinadən xəbər verir ki, onların bəyanatları, insanların Tramp dövründə İsrailə baxışlarını kökündən dəyişdirən böhranın fonunu ortaya qoyub.
“Səhər oyandıq və hücumun baş verdiyini öyrəndik. Danışıqlar bir gecədə iflasa uğradı” – deyə Kushner əlavə edib.
Uitkof isə Tramp administrasiyasının hücumdan xəbərsiz olduğunu vurğulayıb:
“Bu hücum bizi çox sarsıtdı. Qətərlilərlə sülh danışıqlarımıza son qoydu. Özümüzü xəyanət edilmiş kimi hiss etdik”.
Kuşner deyib ki, Netanyahunun siyasəti indi Trampın hüdudlarını aşıb:
“Prezident israillilərin bir az nəzarətdən çıxdığını hiss etdi. Onları dayandırmağın və İsrailin uzunmüddətli maraqlarına uyğun olmayan hərəkətlərin qarşısını almağın vaxtı çatıb”.
“Təkcə yenidənqurma prosesinin 50 milyard dollara çata biləcəyini təxmin edirik. Ancaq bu mümkündür – Yaxın Şərq və Avropa hökumətlərindən maliyyə dəstəyinin olacağına inanırıq. Avropanın da iştirakını görəcəksiniz. – deyə Uitkof əlavə edib.
Qeyd edək ki, ABŞ Prezidenti Donald Tramp İsrailin baş naziri Benyamin Netanyahu ilə uzun müddətdir davam edən yaxın münasibətləri pozan tarixi qərar verib.
Tramp İsrailin Qətərə qəfil hücumundan sonra özünə xəyanət etdiyini elan edib və Təl-Əvivlə bağlı siyasətini dəyişib.
