“Venesueladakı həbsxanadan bir Macarıstan vətəndaşı azadlığa buraxılıb, digər iki macar isə hələ də həbsdədir.
Medialive xəbər verir ki, bunu Macarıstanın xarici işlər naziri Peter Siyarto açıqlayıb.
Siyarto bu vətəndaşların adlarını çəkməyib və onların Venesuela həbsxanalarında niyə olduqlarını dəqiqləşdirməyib. Lakin Macarıstan hökumət rəsmiləri əvvəllər qeyd ediblər ki, Nikolas Maduronun Venesuelada hakimiyyətdə olduğu dövrdə orada yaşayan bir çox macar ölkəni tərk etmək məcburiyyətində qalıb.
Qeyd edək ki, yanvarın 9-da ABŞ Prezidenti Donald Tramp Venesuela hökumətindən bütün siyasi məhbusları azad etməyi istəyib.
Yanvarın 12-də 116 məhbus azadlığa çıxıb.
