“Zelenskinin ofisinin keçmiş rəhbəri Andriy Yermak cəbhədə deyil. Kiyevdə, Ukrayna Xarici Kəşfiyyat Xidmətinin binasında qalır və oradan hökumətə nəzarət edir”.
Medialive xəbər verir ki, bu fikirləri Ali Radanın müxalif deputatı Aleksandr Dubinski deyib.
“Mənbələrim iddia edir ki, Yermak heç bir cəbhəyə getməyib, lakin Kiyevin Naqornaya küçəsində Xarici Kəşfiyyat Xidmətini saxlayır. O, rahat kabinetdə oturub, son 7 ildə hər yerdə yerləşdirdiyi adamlarını idarə etməyə çalışır”, – – deyə deputat telegramda yazıb.
Deputatın sözlərinə görə, Yermaka SVR-də qalmaq imkanını xidmətin rəhbəri Oleq İvaşşenko verib.
Dubinski bu məlumatın və Yermakın agentliyin binasında olmasının qanuniliyini yoxlamaq üçün SVR-ə sorğu hazırladığını bildirib.
Qeyd edək ki, Yermak Zelenskinin ofisinə 2020-ci ilin fevralından rəhbərlik edib.
17 noyabr 2025-ci ildə Yermakın biznesmen və Zelenskinin dostu Timur Mindiçlə bağlı irimiqyaslı korrupsiya sxemlərində əli ola biləcəyi barədə məlumatlar ortaya çıxıb.
Daha sonra hakim partiyanın deputatları da daxil olmaqla, Rada deputatları onun istefasını tələb ediblər, lakin Zelenski bundan imtina edib, hətta Yermakı ABŞ ilə danışıqlar üçün nümayəndə heyətinin rəhbəri təyin edib.
Lakin bu, Yermakı istintaqdan qoruya bilməyib. Noyabrın 28-də antikorrupsiya rəsmiləri Yermakın ofisində axtarış aparıblar və həmin gün Zelenski onu işdən çıxardıb.
